姊妹蒸糕 bell 迎狗年

姊妹齊齊蒸糕bell :P

材料份量同上年差不多, 

今次落多左小小粉 ^.< 

七斤蘿蔔, 粘米粉 約 750g (約一包多啲)

 6條臘腸,兩條潤腸,半條臘肉,

蝦米,冬菇 (盡量切細粒) 乾瑤柱各少許 ~

** 臘味先蒸後切粒比較易切,炒香備用 ~ 

1.蘿蔔今次全部刨絲,加入1/3塊片糖,

   *中火煮熟至出水, 

2.入三至四茶匙鹽, 一湯匙蠔油,胡椒粉少許

   (可視付個人喜好)

3.加入已炒香的臘味,蝦米,冬菇,乾瑤柱..

   炒匀........熄火

4.放涼一陣......逐少逐少篩入粘米粉

   撈匀 至杰身 ^.<

  (哈哈 ~ 人多好做作 :D)

倒入已掃上油的糕盤上 ~

蒸約50分鐘

(*用筷子插入冇黏上粉即ok)

加入蔥再蒸幾分鐘便完成了, Yeah!!! 

雪一晚後,便可以用慢火煎香

好好味啊.......^^V 

 

後記 : 今次顧住吹水, 煮蘿蔔時火開得太大,

啲蘿蔔痴左小小底, 又忘記落胡椒粉

好彩都冇影響到味道 :P 

仲有姊妹自攜糕盤要分多啲 :P

綜合各姊妹食後評價:
 雖然全部合格,但有些認為粉多左少少,
蘿蔔可以再煮淋些少, 
蝦米可以再切細粒的就最完美 :P
好喜歡聽真心評價,有評價先有進步的空間 ^.<
可以跟據個人喜好再調整做出自己最喜好的口感^^*

不過齊心合力he he ha ha自家做出做蘿蔔糕

這份心意遠勝其味道,真係好開心 ^^V
整蘿蔔糕一啲都唔難, 只是力的表現 ~ 哈哈
特別鳴謝當日有出力刨,切,撈的幾位 <3

希望大家狗年身體健康,活力充沛,美麗動人 ^^*
當日仲試做左幾款美食的 ~ 各位密切留意呀!

P.S. 最後以5斤蘿蔔/400g 粘米粉的份量
做左比奶奶及媽媽, 獲得超乎想像的好評價
超級開心 ^^V