羊腩煲

冬天最佳菜式就係煲仔菜 ^^

登登!!!!羊腩煲 :D

材料如下圖 ~ 用左磅半急涷羊 (*通常係用急涷)

羊肉: 解涷後,用薑,酒出水,出到啲白泡出哂 ^.<

          浸冰水或啤水(開水喉不停沖)~沖乾淨備用~

醬汁: 一磚南乳,二磚腐乳,*柱侯醬少少(可以不加) 

          用匙搓爛備用~

調味: 生抽,老抽,糖,蠔油各小許

 爆香薑,蔥,蒜,大蒜,最好放埋*唐芹更香^^

**其實竹庶可後加, 我手快左,仲有可以落少啲 :P

 加入醬汁炒香 + 羊腩贊酒快炒 ~

 加水蓋過羊肉 ~

 轉唔轉煲都得,我貪靚啫 ^.<
正確依家先加竹庶,馬蹄,冬菇,調味...及少許冰糖或片糖

**竹庶 ,馬蹄 ~ 可辟羊騷味同冇咁燥熱, 

冰糖可令羊肉快啲腍 ~

大火滾起轉中細火,炆約1.5 小時至腍身~

食時加枝竹+ 蔥...滾一陣就OK ^^/

再配腐乳醬食 ~ 一流 \^^/