西班牙馬鈴薯蛋餅

去西班牙之前都想試整呢道菜,

去完西班牙之後食過更念念不忘,

終於有心情試吓 ~

材料好簡單:

二人份量 ~

1 個薯仔,半個洋蔥,兩只蛋,鹽

將薯仔,洋蔥切薄,蛋攪拌成蛋漿 ~

 用多少少油,中小火慢慢煎薯片一陣......

 再加洋蔥

 慢慢煎至熟

 隔油 ~

 加入蛋漿內+小小鹽 ~

 準備煎了~ 膠捧喺用黎修正蛋餅的形狀

 一定要用小火慢慢煎 ~ 見蛋開始凝涸後,

用膠捧沿邊向內輕輕推

最難的部份到了 ^^ 

煎至半熟, 利用碟將蛋餅反轉 ~

反轉後~

 即推回鑊中煎另一面

 用膠捧再修靚個圓型 ~ 煎至喜愛的熟度 ~

 再用碟反轉即成~ 好彩成功了 ~ 靚仔哂 ^^

 作為小食都係不錯的選擇 ^^/