冬蔭公羊腩煲

同學仔團拜時聽到一款新菜式~ 

聽起又易做,又特別, 重話鬼咁好味,

又想像唔到係乜野味道,

一於試吓先 ^^

又係急凍羊 :D 

今之去凍肉鋪買原隻即開,冇得揀,$47/lb,共3磅~

 感覺好咬口過超市買嗰啲 ^^V

炸腐竹~浸軟身備用 ~

羊用薑,酒汆水,直至出哂泡泡(即血水),

沖洗乾淨,有毛就去毛 ^^

 *去泰國雜貨店買冬蔭公料: 

南薑,檸檬葉,香茅,青檸約17元

   冬蔭公醬 : 一至兩湯匙

   所有材料準備就緒.......

用薑,乾蔥起鑊,爆一爆羊腩 + 水

大火滾起後落冬蔭公料,冬蔭公醬 & 一粒冰糖 ~
轉中小火炆30分鐘後焗30分鐘,
落馬蹄再炆30分鐘後焗30分鐘.............
直至羊腩淋身 ~如覺得未夠淋可重覆多一次,...

冇問題的話 ~
最後落腐竹及青檸汁炆多十分鐘試味就完成, \^^/
冬蔭公一定係酸同辣????~ 咁就錯哂 ~
估唔到味道好香好清甜, 竟然同羊好夾,
一啲都唔羶, 朋友仔食評話都唔錯,
可以辣啲,同咸啲 (其實因為我冇落鹽 :P)
如果喜歡辣的朋友可以落指天椒同加多一些
冬蔭公醬 ~

如果好似我咁, 想像唔到味道如何 ???

 趁重喺冬天,不妨一試 :D