泰式粉絲蟹煲

突然想煮啲新菜式又唔識??????

上網就有好多人教你......超方便,

我比較喜歡學啲容易方法,今次學了"鬼嫁"的泰式粉絲蝦煲,

因為買唔到靚蝦,買左隻肉蟹:D

真係又方便,又快捷,又好味.....yummy!!!!

材料:

粉絲兩個浸軟身隔去水份,蟹一只,肥煙肉三條切小片,

七棵荽莞茜(根部盅爛),蒜頭十粒 (一半盅爛),薑六片

最竅妙係個汁 :

蠔油約三湯匙,生抽老油各一至兩湯匙,糖一湯匙,麻油一湯匙,

少許酒,少許黑胡椒碎,大約半杯水,全部攪匀

其實分量可以按自己口味加減 ^^ 

煮左一次就知道點調節濃淡度...

 跟住就好似盤菜咁,一層一層放落煲內~

第1層->肥煙肉 2->蒜頭五粒,薑六片 3->盅爛左的莞茜,蒜 

4->粉絲 5->蟹 6->汁料 7->莞茜蓋好 ^^

跟住開中火3分鐘,轉細火焗至蟹熟約15分鐘,其間留意水份...

 蟹熟及粉絲乾身再加啲莞茜上面撈匀即成,

蟹好鮮,粉絲又入哂味,好正呀 ^^/