西葡之旅籌備篇

自由行多年,繼上次東歐之旅 
(仲未寫番個遊記=.=""),
今次又係大大PROJECT,不過一定攪得掂嘅 ^^v

話說今年復活節假期打算去塔斯曼里亞旅行,
點知去完澳門之旅後.......朋友仔話好想去歐洲附近國家滙合在瑞典讀書的囡囡,順道一齊去玩吓,原本話去意大利, 但一部份人都去過,
再提出去"雙牙"...
點知其他朋友相當擁躍,因為都未去過...
終於決定去馬^^.
但部份人又唔可以請咁多假,最後決定兵分兩路出發go go go !
後期仲出埋C團tim *^^*/
以下係我地嘅會議記錄 :D

3/1/2015  1st Meeting
傾完後決定分兩團:
A 團 : 28/3~11/4/2015
B 團 : 31~11/4/2015
咪夜長夢多.......即刻上EK網買機票
香港 <==> 馬德里 HK$6,833.00 全包唔算貴喎!
為左慳錢唔係巴塞隆納走,後期先發覺好哂時間:(

點知中途又有朋友仔想加入 0.0"
不過呢家人只可以由 28/3 ~ 7/4/2015  =.=  OMG
終於成左第三團 (C) ,哈哈!
去旅行多人會玩得開心食得放心 :D, 
但今次真係好 Kick 手,大獲!!
雖然今次只去兩個國家,但夾三團人真係有難度,
唔緊要只要大家都努力去搵料...冇話唔得嘅 ^.<

10/1/2015 2nd Meeting
由下午開會到傍晚只決定到A C團會去埋葡萄牙,B 團只去西班牙但其他野都決定唔到點行,
自駕?好遠吓!火車?超貴! 內陸機?行李管制!
頭都痛,救命呀!!!!!!
唔理咁多食左飯先啦,...........食完唔同哂 :P
一於決定搭內陸機去巴塞,最多寄存一些行李喺機場先^^v
 因為火車來回要二千一位=.=,駕車又驚司機太攰 =.=
訂埋機票先..機票好平 :D 但比較多限制 :( 
 所以我地好小心硏究...
加行李,mark 位...逐樣要加錢..$$$$$..
加野仲貴過機票=.=

A,C團 :香港飛馬德里-->租車喺去葡萄牙玩3天
跟住由里斯本飛去巴塞隆納滙合B 團
內陸機 ~
Tap Portugal 里斯本-->巴塞隆納  USD81.43/pp
Vueling 巴塞隆納 -->馬德里  EUR 46.34/pp 
(Only 10kg Handcarry)
 EUR61.79/pp (incl extra 23kg luggage)

B 團 :香港飛馬德里即日轉機去巴塞隆納
滙合A,C團....
嘩嘩嘩!!! 實行坐到 pat pat 痛:("
內陸機 ~Vueling 馬德里 <==> 巴塞隆納 EUR 127.68/pp

1/4/2015 終於集齊ABC團一齊玩巴塞^^v,
再由巴塞隆納 --> 馬德里 玩多兩天....
C團要 Bye Bye Lu!
跟住A,B 團駕車繼續南下
玩多幾日小鎮後 -> 馬德里->香港
路程大至如下:p

實在太太太複雜了:P

Good good good 又踏進一步 ^^V 加油!

離下次開會時間又要不停搵料,
越睇越多地方想去....
唔怪得啲人話去一個月真係唔出奇 :D 
可惜我地得十幾日,只好取捨 :(

17/1/2015 3rd Meeting
繼續加油!A C團開會先, 因為大家都有溫書,
好快就決定到葡萄牙大約行程,
馬德里-->租車去葡萄牙玩3天由里斯本飛去巴塞隆納
滙合B 團,跟住book Porto, Lisbon 酒店,
都揀左好耐 =.="" B團會員到..傾左一陣,
又耍鬆一鬆.
今次係屋企打邊爐,食完又充滿力量....book埋巴塞 同埋返回馬德里酒店/apartment, 
嘩!啲酒店好full ,因為booking.com 有free cancellation, 所以訂左先算 ^^
跟住睇埋落南部行程,不過仲未book 車啊 :P
大家一到12:00點已經不在狀態...zzz, 頂唔順了,
下回分解..bye bye

24/1/2015 4th Meeting
今日開始就present 左葡萄牙大概要去景點及行程,雖然緊密, 但到時可彈性處理^^ 跟住團友大至上都present 埋巴塞景點及行程,突然團長話由西班牙至葡萄牙駕車有問題, omg......=.=""" ????--> 車程好遠-->跨境車費好貴--> 唔夠後備棍波司機:( 反而內陸機仲平 ~ 唔係掛,又要搭機 00" 
不過好處係平啲快啲,我地係葡萄牙會多啲時間玩,未嘗不是一個好的方案,於是卜槌,
即刻上網掟啦~
訂機票途中發生一件好笑事,訂廉航的朋友一定要注意 ~ 行李收費問題一定有,點知去到收費前一版,要你答有獎問答遊戲....先可submit 0.0..
團長問大家,即刻有答案 : Francis..... 仲好開心,
唔知有乜獎呢? 繼續買機票, 好快就完成同收到 Eticket 了. 
內陸機 ~Ryanair  馬德里 <==> Porto 波多 
EUR 45.14/pp 另加 one 20kg Luggage 又要 Eur 40  **wa wa wa....行李費等如一張機票 =.=""

再睇清楚啲, 條數有啲唔岩喎........啋! 完來答問題要收7Eur... 頂,有冇攪錯呀! 仲話抽唔中你

但當時唔答又唔比過,真吹脹...(可能有啲位過到,但真係唔覺囉,同埋冇明顯話答問題要收錢囉xzy@@@) 好古惑囉!十幾對眼睇住都中招,各位要小心呀! 跟住開始搵南部酒店...上次哥多華訂嘅酒店似乎唔多順路, 因為可以取消,所以再訂過,搵左好耐,我地原則: 平靚正,特色...有車位,其實好難符合到我地要求..搵剩一晚...有幾件已經zzzzzz了, 
下回分解吧......bye bye

7/2/2015  5th Meeting
今日主要係book 車..葡萄牙最終決定一架9 人車, 
經Europcar 租左架9人Benz Vito 
兩天租車費連附加費:
Options selected
TOLL FEE PASSENGER VEHICLES EUR 3.69
Navigational system EUR 17.22
Additional Driver EUR 12.30
GoZen EUR 48.22 per rental

總數:364.82 Eur
玩巴塞隆納就唔揸車 ^^
馬德里落南部先開始自駕遊book 兩架車.
都搵左好耐先搵到合適的車....
一如過往團員又安排左一餐美食增強番我地的engery,唔係就榭哂...........
跟住新年都大家都會好忙,部份團員又出trip:P 包括我..哈哈! 所以休會幾星期...比大家輕鬆!

14/3/15  6th meeting
重抬心情,又要加緊安排行程,今次差不多進入尾聲...重溫一次行程路線,如何聯絡各團人,行李管制,預訂餐廳及入場卷,當地天氣,必帶日用品...希望各團友都分擔及參予行程編排...等等

21/3/15  last meeting
好緊張...仲有一個星期咋各人雖然好忙,大家都抽小小時間黎開會,真難得!!! 確認所有網上文件都齊,再詳談一些細節,聖加堂同米拉之家入場會好多人,所以決定上網book埋,大家都做好功課,但西班牙實在太多景點,討論完一輪都好難取捨...只好去到盡玩啦! 有機會去西班牙的朋友真係要考慮stay 兩星期 ^^ 今日冇晚餐款待了,其實仲有好多濕碎野要傾.....惟有whatsapp 大家.

Ready to go la!!! 希望一切順利,玩得開心 Yeah!!! 我會比心機寫我個遊記出來...加油!!!

西葡十五天遊 ~ 28/3/2015 Day 1 Madrid (馬德里)